Местное время
Погода
Шумилинский райсполком
Районная газета "Герой працы"
Витебская областная библиотека
Национальная библиотека Беларуси
Министерство культуры РБ
Сводный электронный каталог библиотек Беларуси
Сводный электронный каталог библиотек Витебской области
Сводный электронный каталог библиотек Витебской области
Виртуальный читальный зал НББ
Проверка контрагентов
Портал рейтинговой оценки качества оказания услуг организациями РБ
:: ::

Новые поступления

 

Аднойчы наступае такое: дзевятая гадзіна дзевятая хвіліна дзевятага чысла дзевятага месяца ў дзевяты месяцовы дзень. Яна заходзіць у клас. Для ўсіх іншых дзесяцікласнікаў яна застаецца звычайнай, хіба крыху больш незалежнай і самастойнай дзяўчынкай, але ты, яе аднакласнік, будзеш ведаць, што яна — ведзьма. Бо яна ведае. Ведае, як не глядзець, а бачыць, не слухаць, а чуць. І гэты свет раптам пачне мяняцца: ты ўсвядоміш, што такое здрада і сапраўднае сяброўства, зразумееш чужую бяду і адчуеш чужы боль, пазнаеш шчырае каханне і здолееш — ты здолееш! — вытрымаць гэты неміласэрны цяжар разумення. Ты зробіш усё ад цябе залежнае, каб жыў ружовы матылёк. І выявіцца, што можаш так шмат…


 

Усе вершы ў гэтай кнізе звязаныя са смакатою. Кожны чытач, і маленькі і вялікі, мае магчымасць назбіраць грыбоў на суп гасцям разам з вожыкам, даведацца, якую страву выдра рабіла бабру, чаму морж згубіў голас, хто любіць камароў у шакаладзе, што можа згатаваць мама-беларуска. Усіх чакаюць «Агародная хованка» і «Смачныя загадкі». Паэтка шчыра ўсім зычыць не толькі «Смачна есці!», але і «Смачна чытаць!».


 

Па сцежцы жыцця мы крочым разам з жывёламі і птушкамі. Запаветныя мясціны Беларусі — рай для насельнікаў лесу. Іх зачароўвае прырода роднага краю: маляўнічая, бездакорная, разнастайная.
Вядомы беларускі пісьменнік Мікола Бусько займальна расказвае пра тое, як жывуць нашы меншыя сябры, вучыць сябраваць з жыхарамі лесу, не разбураць зробленае імі, адносіцца да іх як да сябе.
Дзе сустракаюцца шчыры настаўнік Прырода і цікаўны вучань — нараджаецца мастацтва і талент.


 

Жылі-былі на адной вясёлай паляне разам з іншымі звярамі Вожык і Заяц. Добра ім жылося, ды ў адзін дзень хмары засланілі сонца і пачаў ісці дождж, доўгі, бясконцы. Хіба зачырванеюць ягады, вырастуць грыбы? Што рабіць? Па падказцы мудрага Крумкача Вожык і Заяц пайшлі ў лес шукаць іншую паляну. Маленькія героі перажывуць шмат прыгодаў, адшукаюць многа розных палян, быццам і сонечных… Але ўсё адно яны вернуцца на сваю родную паляну, і стане яна самай сонечнай ва ўсім свеце. Чаму вернуцца Вожык і Заяц і ад чаго сонца заззяе над іх родным домам — у гэтай казцы.


 

Здаўна на нашай зямлі шырока бытавалі не толькі легенды і казкі, не толькі песні ды танцы, прыказкі ды загадкі. Важную ролю ў жыцці нашых продкаў адыгрывалі прыкметы. «Без прыкмет — ходу нет!» — казалі ў народзе. І прыкметы суправаджалі чалавека з сівой старажытнасці на працягу ўсяго ягонага жыцця. У гэтай кнізе сабраныя прыкметы, якімі карысталіся беларусы пры самых розных жыццёвых абставінах: пры будаўніцтве дома і ў штодзённых справах, выпраўляючыся ў дарогу і выконваючы любую працу на полі і ў агародзе, падчас палявання і рыбалоўства, пры развядзенні пчолаў… Прыкметы, заснаваныя на добрым веданні прыроды, дапамагалі чалавеку прадказаць надвор’е і ўраджай. Кніжка разлічаная на школьнікаў старэйшага ўзросту, настаўнікаў і ўсіх, хто цікавіцца вуснай спадчынай нашага народа.


 

Гэта кніга складаецца з трох казачных гісторый. А аб’ядноўваюцца яны тым, што ў кожнай з іх дзеючыя асобы — жыхары вадаёмаў. Магчыма, таму, што аўтарка нарадзілася і вырасла ля возера, якое дагэтуль лічыць найпрыгажэйшым у Беларусі. Водная прастора заўсёды захапляла яе. Пісьменніца любіла доўга-доўга ўглядацца ў глыбіні, уяўляючы сабе жыццё падводнага свету. Ёй заўжды было цікава паглядаць на сусвет не толькі сваімі вачыма, бо вакол кожную хвіліну адбываецца столькі цудаў, на якія чалавек часам не звяртае ўвагі. У выніку з’явіліся вось гэтыя казачныя гісторыі. Дарэчы, не ўсё ў іх — мастацкі вымысел. Але што да чаго ты і сам, дарагі чытач, зразумееш, калі пазнаёмішся з героямі: вадзянікамі, якія ладзілі ў возеры Доўгім атракцыёны; бабрынай сямейкай, што шануе Чырвоную кнігу Беларусі; і Наядай марской, якая дзеля салаўіных песень перабралася жыць з мора ў нашыя вадаёмы.


 

Жартоўныя, вясёлыя вершы лаўрэата Дзяржаўнай прэміі Рэспублікі Беларусь Васіля Зуёнка склалі чарговую кнігу серыі «Журавінк@».


 

Новая паэтычная серыя для дзяцей “Журавінка@” адкрываецца кнігай Віктара Гардзея “Сарочына цырульня”. Нязмушаны гумар вершаў, назіральнасць аўтара, жыццялюбства і тонкае адчуванне свету адразу бярэ ў палон чытача. Вашае чытанне станецца вясёлым і пазнавальным а, значыць, несумненна карысным!


 

Васіль Жуковіч, чые творы змешчаныя ў школьных падручніках, гэтую кнігу склаў пераважна з сюжэтных вершаў з адметным і каларытным гумарам.


 

У аповесці «Прынцэса тусоўкі» ўзняты сур’ёзныя праблемы сучаснай рэчаіснасці, найперш школьнай моладзі. Раскрываецца тэма гэтак званых тусовак, школьнай наркаманіі і таксікаманіі. Адна з гераінь твора праходзіць якраз такі шлях, які сканчаецца не толькі яе асабістым падзеннем, але і драмай для аднакласнікаў. Аповесць атрымала літаратурную прэмію «Залаты купідон» (2012 г.) у намінацыі «Дзіцячая літаратура». Праблеме падлеткавай наркаманіі прысвечана таксама апавяданне «Апошняя хата Цялянкі».


Соседние подразделы:
Периодические издания
Фотогалерея
Государственные символы
Год качества
80 лет освобождения беларуси от немецко-фашистских захватчиков
XXXIII Международный фестиваль искусств «Славянский базар»
Мы в социальных сетях
Одноклассники
Шумилинская ЦБС
Вконтакте
Мы в социальных сетях
Обращения граждан и юридических лиц
Регистрация
Регистрация
Публичный центр правовой информации
Детский правовой сайт